راوتر دي لنك

السلام عليكم
عندي راوتر دي لنك واشتراك ايرث لنك
بس الراوتر لايعمل جيد مع الايرث لنك حيث الماسنجر لايفتح والفيس بوك ايظا
هل يةجد حل مع العلم ان الراوتر كان يعمل جيدا على شبكة اخر
لدي نانو 5
رجاااااااااااااااااااااااااااااااااااااااااءً المساعدة

حبي الرواتر عبارة عن جهاز ناقل و موزع للأنترنيت وليس له علاقة بأي شبكة و أنما يعتمد على الخدمة المجهزة فقط يعني أذا كان الأنترنيت جيد فسيوزع الخدمة بشكل أفضل و على حد علمي الرواتر d link أفضل من tp link وسعره أعلى

اخي الفاضل كنت رابط على شبكة اخرى شغال ومن حولت على الايرث لنك مكام يشتغل سمعت انه الشركة بس فاتحة على التبي لنك ارجو المساعدة

حبي ماكو هيجي حجي . أني صديقي عندة رواتر دي لنك وديشتغل طيبيعي بدون أي مشكلة
وثاني شي الشركة ما تكدر تقفل الخدمة على رواتر معين لأن هذا الشي غير قادرة السيطرة عليه وبلأضافة أنو أني رابط على رواتر نوعية ألمانية لبيت جيرانة أجاهم هدية من ألمانيا .. بعد شتريد

مشكور اخي بس هاي المشكلة صارت عندي وموجودة الان وتى هسه دنربط على الواير

ممكن طريقة برمجة الراوتر عندي راوتر انجنيس ولكن كيف اضبط الاعدادات

الاخ gabriel_01
انته اتكول ماكو هيج شي, بس اني همينه عندي نفس المشكلة بالضبط اللي عند الاخ batoo
عندي راوتر دي لنك وجنت مشترك على غير شبكة وكلشي يشتغل عادي
هذا الشهر كلت خلي احول على ال ايرث لنك وبمجرد حولت كام الفيسبوك والياهوو مسنجر وياهوو ميل ميشتغل عندي والانترنيت كلش يصير بطيء لمن اربط من خلال الراوتر, علما انه على الشبكة الاخرى جان كلش طبيعي وبدون اية مشاكل,
اتصلت بالمجهز كال غير الايبيات مال الراوتر, غيرت الايبيات واشتغل فد ربع ساعة ورجع مرة اللوخ وراهه قفل المسنجر والايميل مال الياهوو.
فهذي المشكلة موجودة وحقيقية ونرجو من خبراء ايرث لنك ان يجدوا حل الهاي المشكلة
ممعقولة انظل نربط مباشر عالواير
مع الشكر الجزيل

حبي لعد ليش باقي المواقع تفتح ؟؟
و شنو مصلحة الشركة تقفل المواقع الرئيسية

السلام عليكم
والله حبي اني مجهز خدمة و وكيل لشركة ايرث لنك وقبل ايام الي صديق دازيله هديه جهاز راوتر دي لنك وخابر ايريد ايشده على النانو ستيشن واني بنفسي رحت وبرمجتة اله وكلشي شغال عال العال وماكو اي مشكلة وللعلم راوتر الدي لنك احسن واظبط من التي بي لنك من ناحية الشغل والتعليك على العموم اني بس حبيت اوضح المشكلة وانه الاخ كابريل ما حجى اله الشي الصحيح وشكرا

الاخوان الاعزاء
المشكلة موجودة عند اكثر من شخص مو بس اني والاخ batoo
حتى في منتدى اخر لكيت نفس المشكلة ومن شخص اخر
فآني مجايب المشكلة من خيالي لا باقي الاخوان
هذه مشكلة موجودة وحقيقية لانها موجودة عندي واعاني منهه
وماعندي مانع اصورهه الك فيديو علمود اتصدك اخي العزيز
ماعندي مصلحة اجذب ابهذا الموضوع
فاذا عدكم حل الهذه المشكلة ارجو التفضل باعطاء الحل والا ماكو داعي للتكذيب وانه صاحيبك اجته دينلك ويشتغل عادي, الدي لنك هواية موديلات مو شرط كل الموديلات نفس المشكلة واني مدا اكول الشركة تتعمد اغلاق مواقع معينة, بس طرحت مشكلة موجودة على ارض الواقع واعاني منهه وغيري يعاني منهه

يعني راح اغير خط ايرث لنك من وره هاي الشغلة التعبانه

السلام عليكم
اخوي العزيز اني هم عندي راوتر دي لنك واجهة نفس المشكلة وغيرة الايبي ونجحة الطريقة بس عندي راوتر نوع tenda نفس المشكلة الي عندك ميفتح الياهو والفيس بوك وكذلك اليوتيوب المشكلة موجود بس السبب محد ديعرفة .......!!!!!!!!!!!