أهم اربعة برامج اضافيه (add-ons) للفايرفوكس..

السلام عليكم..

بهذا الموضوع راح اشرح اهم 4 برامج اضافيه(Add-ons) من وجهة نظري الشخصية بالنسبه لمتصفح الفايرفوكس..و ايضا راح اشرح طريقه تنصيبهه.. و هذه البرامج الاضافيه هيه الي مخليتني مستحيل استعمل غير الفايرفوكس..




اول و اهم برنامج من وجهة نظري:


هذا البرنامج اله شغلتين:
1-خزن الصفحات المفضله (bookmarks) على سيرفر خاص للفايرفوكس
2-خزن اليوزرنيم و الباسوورد للمواقع على سيرفر خاص للفايرفوكس ( هذه الوضيفه اختياريه يعني تكدر تكله انه ما يخزنلك اليوزر و الباسوورد)

فائده هذا البرنامج تبين في ثلاث حالات:
1-عندما تفرمت الحاسبه لا تدوخ بالصفحات المفضله و ماراح تروح عليك...لان بعد تنصيب الفايرفوكس و تنصيب هذا البرنامج الصغير راح يقوم بتحميل جميع صفحاتك المفضله من سيرفر الشركه الى متصفح الفايرفوكس الي بحاسبتك...و بهذا ترجع صفحاتك المفضله مثل ما كانت قبل الفرمته..

2-تكدر تشوف صفحاتك المفضله باي حاسبه بالعالم و بنفس ترتيبها..بمجرد تنصيب البرنامج و تنزيل الصفحات المفضله الك من سيرفر الشركه..

3-بعد ما تفرمت الحاسبه..تنزل البرنامج و تنزل الصفحات المفضله و تنزل اليوزر نيم و الباسوورد الي قمت بخزنها مسبقا على السيرفر...هسه اي موقع انت مشترك بيه مجرد ما تخلي الماوس على مكان كتابه اليوزرنيم هو تلقائيا راح يكتبلك اليوزرنيم و الباسوورد...


و اخيرا طبعا برنامج الxmarks نفسه يتم الدخول اليه بيوزرنيم و باسوورد..





البرنامج الثاني:


هذا برنامج متخصص للداونلود..فوائده:

1-عند محاوله عمل داونلود لاي فايل ستظهر نافذه المصفتح لبدايه الداونلود و بيها 3 خيارات...الخيار الثاني هو داونلود عن طريق برنامج الفلاش كوت و الي بدوره يسمحلك اختيار اي برنامج داونلود انت منصبه على الحاسبه مثل ما مبين بالصوره انه اني خاله يحول الداونلود دائما لبرنامج الداونلود منجر..







2- و هي الفائده الاهم لهذا البرنامج...تحميل اي فديو باي صفحه انترنت...و اكيد فديوات اليو تيوب...حيث عند بدء عرض اي فديو سوف تظهر علامه فديو في الشريط السفلي للفايرفوكس هذه العلامه معناهه انه الفلاش كوت لكه فديو في هذا الصفحه...و عند الضغط على العلامه سوف يبدأ الداونلود للفديو..











البرنامج الثالث:


هذا البرنامج يقوم بمنع فتح صفحات الاعلانات الي تظهر عند فتح بعض الصفحات...و طبعا بيه اوبشنات انه تخليه يسمح بفتح صفحات الاعلانات لموقع معين او عدم سماحها لموقع معين..





البرنامج الرابع و الاخير:


هذا البرنامج يفيدنا احنه بالعراق خصوصا ههههه...لان الانترنت عدنه مثل ما تعرفون بصوره عامه بطيء و ما يتحمل اي داونلود زايد...بعض صفحات الانترنت بيهه اعلانات على شكل برامح فلاشيه في الصفحه...و عند فتح الصفحه هده الاعلانات راح تاخذ قسم كبير من تحميل الصفحه مما ياخر تحميل الصفحه بالكامل....

هذا البرنامج يمنع عرض اي برنامج فلاشي في الصفحه..و يضع في مكان الفلاش علامه دائريه بداخلها حرف F ...هذا يعني انه هنا اكو فلاش...و اذا ردت تشوف الفلاش مجرد ما تضغط على علامه الدائره سوف يبدأ بتحميل الفلاش ..




الي هنا خلص شرح البرامج الاربعه...و ما بقه غير طريقه تنصيبها و حيكون شرحها بالصور:








وراهه يطلعلك البرنامج و مابقه عليك غير انه تنصبه ...add to firefox



و لتحميل متصفح الفايرفوكس:
http://www.mozilla.com/en-US/firefox/upgrade.html


اخيرا انصح الي يشتغلون على الفايرفوكس يجربون هذه البرامج...و الي بعدهم على الانترنت اكسبلورر خل يحولون على الفايرفوكس و يجربون هالبرامج..


تحياتي..

حبي عاشت ايدك موضوع يغري
بس اني مثل ما ايكول ابو المثل الموزين التعرفة احسن من الزين اللي متعرفة
وبطبعي وي البرامج حجري خخخخخخخخخخخخ
امعشعش وي الانترنت اكسبلورر
بس حلو الموضوع

شكرا لمرورك اخي ماكس...

نصب الفايرفوكس و يبقه عندك الانترنت اكسبلورر هم...يعني يصيرون ثنينهم بالحاسبه...حتى تجرب الفايرفوكس و بنفس الوقت تكون مأمن لان الاكسبلورر هم موجود ههههه...بس صدكني اذا استعملت الفايرفوكس بعد ماتباع بخلقة الاكسبلورر...

والله مبدع دائما" بمواضيعك وننتظر جديدك والفايرفوكس افضل واسرع متصفح موجود حاليا" ودائما" المتصفحات الاخرى تاخذ فكرتها من الفايرفوكس لو تلاحظ خاصة الاضافات بما فيها الانترنت اكسبلورر
.. تقبل مروري .

شكرا اخي ريد انجل على مرورك الجميل...و فعلا باقي المتصفحات كام تقلد الفايرفوكس ببعض النواحي..

الف شكرررررررررررررررررررر

الف شكررررررررررررررررررررررررر