تسريع نظام وندوز

مرحبا شباب

كل واحد منا امفرمت حاسبتة واكيد ببداية الفرمتة راح اتكون خفيفة وسريعة ونشطة وبس ايعجبك اتدعفس بيها
بس بمرور الزمن تبدي تثكل وتاخر وهاي السوالف التعبانة مال وندوز
راح انطيكم كم طريقة حلوة وبسيطة وسهلة واتفيد النظام وتخليه تقريبا عبالك امفرمت بالجديد

اولا :
نفتح MY COMPUTER ونروح عالبارتشن C واندوس الكلك الايمن بالمواس راح تظهر قائمة بيها عدة اختيارات نختار الاخير واللي هوة PROPERTIES
راح تطلع صفحة جديدة هم بيها عدة اختيارات . اسفل الدائرة اللي بيها لونين احمر وازرق راح اتشوف اختيار اسمة DISK CLEANUP اختارة تطلع قائمة بيها تحميل
انتضرها اتخلص وراها راح تطلع قائمة جديدة بيها اختيارات هواي ومربعات عاليسرة - شكو مربع فارغ خلي عليه صح على طول القائمة - وراهة دوس الاوكي راح بيدي ايحمل
فائدة هاي العملية تمسح اي ملف زايد او قديم او تحمل عالنص من النت او ملفات التيمبرري او الاوف لاينات يعني امبين من اسمه اينضف البارتشن
من اتخلص وترجع للماي كومبيوتر سوي هاي العملية وي كل البارتشنات حتى اتنظف الهارد دسك كلة من الملفات الزائدة .


ثانيا :
على سطح المكتب اتدوس ALT+CTRL+DELETE بوقت واحد راح تضهر قائمة اسمها TASK MANAGER ليفوك راح تلكي اختيارات منها اختيار VIEW اتدوس
عليه راح تنفتح قائمة بيها عدة اختيارات تختار منها UPDATE SPEED وتروح تختار ال HIGH وراهة تطلع وهاي امبينة من اسمها ميحتاج شرح .

ثالثا :
تفتح START من شريط المهام وراهة تفتح RUN راح ينفتح مربع حوار اكتب بيه MSCONFIG ودوس OK راح تظهر قائمة جديدة وبيها اختيارات ليفوك
لا تلعب بكلشي بس روح على اختيار STARTUP راح تطلعلك اختيارات عديدة
هاي الاختيارات هي البرامج اللي تنفتح عندك اول ما اتشغل الوندوز مثل المسنجر وبعض التعاريف وبرامج المحادثة ....الخ
اكو برامج زايدة واللي هية اساس تثكيل الحاسبة بس شيل الصح من المربع اللي كدامها ولازم اتكون متاكد من البرنامج اللي راح تلغي تشغيلة ببداية النظام
اني عن نفسي من ابدي بيهاي الخطوة اشيلهن كلهن لان البرامج راح تبقى واكدر اشغلهن يدويا واللي ما احتاجة ابقيه طافي لو امسحة فبكيفك اتريد اتشيلهن كلهن شيلهن اذا نظامك XP واذا VISTA فدكاتة الناقصة هواي شيل بس اللي متاكد منه ومتحتاجة واللي متعرفة ابد لا تلعب بيه .
المهم شلت المربعات وكملت اتروح وتدوس APPLY ووراها تختار CLOSE راح تطلع نافذة صغيرة بيها اختيارين اختار RESTART الحاسبة اوتماتيك راح اترست
وان شاء الله اتكوم تركض ركض .



ملاحظة :
اذا اتريد تعرف مواصفات الحاسبة بشكل دقيق وبدون برنامج روح للـ START وبعدين RUN وتكتب DXDIAG راح تطلع مواصفات وماركات الحاسبة

مشكور على المعلومات ... وفعلا بعد فترة من التنصيب الوندوز يكون ثقيل .. لاحظت هذا في اكي بي كلش وهواي .. بس بنسبة جدا اقل على الفيستا ( صارلي سنتين على الفيستا لحد الان )............
بالنسبة الى البرامج في الستارت اب تظهر المشكلة بشكل واضح في اللابتوبات المجهزة بالوندوز لان الشركة اتجهز الحاسبة بعشرات البرامج التي تدخل على الستارت اب وتكون الحاسبة بطيئة بالاقلاع .........

توجد الكثير من البرامج التي تحل هكذا مشاكل مثل REGCUR وCCleaner و التون اب ........ ممكن استخدامها .............

شكرا جزيلا على الموضوع ..........

شكرا على المعلومات...

شنو انت والله دائما مبدع بمواضيعك

حبيبي زيودي
والله مو اني المبدع
انتو المبدعين بالدرجة الاولى على هذا المنتدى الحلو بشبابة الحلوين والمثقفين
الف تحية وتحية لمنتديات الابداع ايرث لنك

عاشت ايدك عالشرح الحلو بس اني نظام لابتوبي VISTA HOME PREMIUM وهوه من كاعه محلحل اخاف اسوي هالطرق ويصير اللابتوب يرفس مو يركض :D مشكوووووووووور