كلمن يكتبلنا احلى لعبه لاعبهه..

اني عندي احلى الالعاب

call of duty 6
pes 2010
ممكن سؤال ؟ اني جبت هاي الطوبه فتكطع من افو الكوالتي مالته مع العلم الكارت شاشه 1 كيكا 9400 والرام 4 كيكا ارجوا الاجابه وشكراً

السلام عليكم اخويه عمر..

بالنسبه للطوبه PES 2010 ..يمي هم اذا اعلي الديتيلز و الريزوليوشن اعلى شي تكوم تكطع...

هاي النسخه مو النهائيه للعبه...هاي الديمو...النسخه النهائيه راح تنزل بنهايه السنه (و هو هذا موعد مزول اللعبه دائما حتى يضيفون الانتقالات الشتويه للاعبين هم)...فماطول هاي النسخه ديمو فاكيد بيهه مشاكل شويه تصير...ان شاء الله هاي المشكله تنحل بالنسخه النهائيه..

بس عندي تعليق على كارت الشاشه مالتك...تره هو مو قوي بالالعاب...يعني اقصد اذا انت تحب الالعاب و خاصه الجديده فتحتاج الى كارت افضل منه...و طبعا هالشي يعتمد على ميزانيتك شكد اذا ناوي تبدل الكارت...البروسسر مال الحاسبه شنو نوعه؟

صدك و اكو شغله هم سويهه...بالdisplay settings مال اللعبه...بنهايه الصفحه اكو 3 اختيارات يمهه علامه صح...شيل العلامه من الخيارات ال 3...اني هيج مسوي


عالعموم ننتظر النسخه النهائيه للعبه و نشوف..

لعبتي الخاتمه assassn's creed 1 ودا اتنظر نزول الجزء الثاني منها

وبالنسبه للpes 2010 موجوده على الشير كامله

اني محمله و اشتغلت بدون تكطيع وهاي مواصفاتي ram 3


display :1 GB ديتكتد

cpu : 3400 2m

شكرا للمشاركه اخويه زيد..

بالنسبه للعبه اساسنز كريد الجزء الاول لعبته بس شفته ممل...يعني نفس الاشياء تظل تعيدهه الى ان توصل للشخص المراد اغتياله...يعني بصراحه مليت منهه وره ما لعبث ثلث اللعبه تقريبا...بس تجسيم اللعبه خرااافي...

الجزء الثاني ينزل بالربع الاول من سنه 2010..


اما بخصوص الطوبه فهي الى حد الان ديمو...ننتظر النسخه النهائيه الي اكيد يكون بيها اضافات احلى بعد..

اي والله هيه لعبه صحيح نفس المهمات بس كالو الجزئ الثاني رح يصير بيه اختلاف كبير عن الاول من ناحيه التجسيم والمهمات والاماكن ورح يصير بيه تعاقب ليل ونهار بالوقت ... الجزئ الثاني مال assassn's هسه نازل على ال xbox 360 بس وان شاء الله ينزل على الحاسبه عن قريب ... . هل اكو محل يبيع سيديات العاب اصليه يعني الي تجي بقوطيتع ببغداد ؟؟؟

zaid-altajer كتب:

اي والله هيه لعبه صحيح نفس المهمات بس كالو الجزئ الثاني رح يصير بيه اختلاف كبير عن الاول من ناحيه التجسيم والمهمات والاماكن ورح يصير بيه تعاقب ليل ونهار بالوقت ... الجزئ الثاني مال assassn's هسه نازل على ال xbox 360 بس وان شاء الله ينزل على الحاسبه عن قريب ... . هل اكو محل يبيع سيديات العاب اصليه يعني الي تجي بقوطيتع ببغداد ؟؟؟

ماشايف لعبات اصليه بشارع الصناعه...كل الي شايفه نسخ..

اوكي

حبيبي بالنسبة للطوبة تحتاج بورسسر قوي اني عندي 2.6 كورتوديو وكارت 9600 ورام 4 كيكا وعندي فول موطبيعي

shatan كتب:

حبيبي بالنسبة للطوبة تحتاج بورسسر قوي اني عندي 2.6 كورتوديو وكارت 9600 ورام 4 كيكا وعندي فول موطبيعي

اخي هاي النسخه ديمو Demo ...يعني بعدها مو نهائيه...النسخه النهائيه راح تنزل نهايه السنه ان شاء الله...بذيج اكيد حيكون بيها هوايه تعديلات...

و مشكور على مرورك..

السلام عليكم .............ز والله الموضوع جميل ويرجعلي ذكريات هواي ......
ابداء معكم .............

اجمل لعبة من ناحية الواقعية لعبته ......................crysis
اجمل لعبة من ناحية العواطف والمشاعر ............. metal gear solid 1,2 & final fantazy 7 psp
اجمل لعبة سريعة ..........................devil may cry 4
اجمل لعبة فكرية .( استيراتيجية )....................... وبدون منازع .... general
اجمل لعبة نيتورك ..................................................... battelfeailed 2142
اجمل لعبة من ناحية التكسجر ( اضهار ملمس الاسطح )......................... gear of war
اجمل لعبة تنافسية .............. بلا شك اثنان .................. winning elevin & mortal combat 3 sega

----------------------------------------------------------------------------------------

طبعا المورتال كومبات لم ياتي منافس لها ابدا من حيث المنافسة وذكرتوني من افلت من الاعدادية واروح اللعب ( صدك كنت من افضل اللاعبين على الاطلاق على جويستك xyz)

الان اللعب هواي اللعاب واختمه بس ورة شوية انساها .............
شكرا على فتح الموضوع

شكرا للمشاركه اخويه حسان...
بالنسبه لكرايسز خاتمهه هيه و الوورهيد...بس بصراحه مو كلش عجبتني...هيه التجسيم مالهه خرافي...بس اشو اللعب مالهه مو كلش...

العب call of juarez :bound in blood
و العب Borderlands و اذا عندك احد تلعب وياه نتوورك بوردر لاند...فد شي خرااااافي....ببوردرلاند 4 شخصيات تختار وحدهه منهه باللعبه و اذا نتوورك ترهم الى حد 4 لاعبين يمشون سوه و يسوون المشنات سوه co-op... بس السنكل بلير مالهه هم حلو...طبعا رسومهه كارتونيه بس كلش حلوه..

ممنون ....
البوردرلاندس فازت فافضل لعبة في معرض E3 2009 .. بس للاسف لحد الان ما لاعبه لان الالبتوب العندي بيه كارت شاشة GEFORCE 8600 GT وهو طبعا نسخة موبايل ولهذا لا يتمكن من تشغيل الالعاب الحديثة الا على المديوم او لوو ستنك ........ ( بعد ما بعت الدسكتوب خربت ) .... واني احب الالعاب على الهاي ستك بصراحة ومنتظر ان اجهز الحاسبة الجديدة .. وانشاء الله اللعب الكول اف دوتي السادس والبوردرلاندز .......

بالمناسبة ... ليش ماكو عدنة شبكات نيت متخصصة للالعاب ممكن نلعب بيه نيتوورك ............. يعني سيرفر وايرلس ونشترك بيه .. افضل من CO-OP لان الاخير ياخذ فقط اربع لاعبين هذا اذا انجمعنة سوية وماعدنة شغل مهم وهاي هم مرة كل شهر او شهرين ............
ليش ما نطرح هيجي مشروع ...........................؟؟؟؟؟؟؟؟؟؟؟؟؟؟


شتكولون ..................

بالنسبه لكول اوف ديوتي السادس تشتغل يمك على الهاي ديتيلز ان شاء الله...لان برمجه هاي اللعبه عجيبه...رسوم حلوه و تشتغل على مواصفات قليله...

و بوردر لاندز تشتغل عندك بس اتصور على الميديم..

بالنسبه لنتوورك الالعاب...مره صار نقاش ويه اصحاب المنظومات ...رفضو الفكره النهائيا لان كالو الاكسس بوينتات مالتهم معناه ماراح ترتاح و تبقه تشتغل هوايه...يعني بالاضافه لشغل الانترنت راح يجيهه شغل النتوورك...لذلك ما ناوين يسوون هيج شي..و من حقهم اني اشوف لان هالشي راح ياثر على خدمه الانترنت الي ديبثوهه..

بس اذا حضرتك تقصد انه يسوون شبكات فقط للنتوورك يعني بدون انترنت فهالشي هم ما اتصور عملي حيكون...اولا ماراح يكون بيهه ذاك الربح لصاحب الشبكه و ثم المشترك راح يكون عنده كرد و وايرلس لان للانترنت...و ثاني للنتوورك...شويه سالفه مزعجه تصير... سالفه النتوورك ماتنحل اذا ميصير الانترنت عدنه زين بحيث اللعب يصير اونلاين..يعني الا بوجود الكيبل الضوئي( يعني بالحلم ههههه )..

راح اضل احلم
............... شوكت يصير النت عدنة اكثر من واحد ميكا بالثانية ............ ادعيلك ربي ...................


الاون لاين هو الحل فعلا بس لازم وياه نسخ اصلية من الالعاب ( يعني 36$) للعبة كمعدل . ولو اني مع فكرة النسخ الاصلية بس هاي هم مشكلة عدنة هنا بالعراق ............. طبعا بالاضافة الى النت المتردي بالنسبة لبقية دول العالم وخاصة دول الخليج ...................

خلينة نحلم اغاتي ومشكور عالكعدة ......................

احلــــــــــمـــــــــــــو يابـــــــــــــــه

احلى لعبة عندي هي سلسلة العاب Metal Gear Solid
وبالنسبة للـ pes 2010 نزلت على الـ ps2-ps3-xbox360-pc كاملة والكل كاعدين يلعبوها
الديمو نزل ببداية الشهر العاشر والعبة كاملة نزلت ببداية شهر الماضي
وتحياتي لكم

وياك اني ...... المتل كير من افضل الالعاب وبيه هواي امور .. خاصة الاول كان او لعبة يدخل فيها ذكاء اصطناعي عالي (AI) حيث ان الشخصيات تتحرك وتثاوب وتنام وتسولف بيناتهه وتتعرف على الاصوات الغريبة واثار الاقدام بالثلج تبين واذا شافوها الجنود يستنفرون وهكذا ... كانت او لعبة ذات ذكاء اصطناعي مقنع .... لكن للاسف الجزء الرابع فقط على البليستيشن 3 لو بس تنزل على البي سي ............

ميتل كير لعبت بوكتهه بس الجزء الاول من جان عندي بلي ستيشن 1...جانت صدك لعبه خرافيه...
و اقوى فيكه باللعبه,مادري اذا تعرفوهه او لا...جان اكو وحش يمكن اسمه جان سايكومانتك مدا اتذكر اسمه بالضبط...جان يقره الحركات قبل ما تسويهه...تتعارك وياه بغرفه مثل مكتبه و يشمر الكتب و الكراسي...المهم جان كلش مزعج لان بس بوكسات يموت....بعدين عرفت انه بيه فيكه...اذا تلعب بالجويستك الثاني بعد مايعرف حركاتك بحيث بالمسدس دك كتل و هو ميعرف انت شدتسوي.....فيكه كلش قويه خاليه يقره حركات بس الجويستك الاول...هههههه

شكرا لمروركم اخوان..

شنو انت ....... وين جنت من زمان يمعود مو دمرت روحي يالله كتلته ...............بس هاي اول مرة انتبه لهكذا فيكه .............موكتلكم هاي اللعبة بيه هواي شغلات بيهه حظ..........................

مشكور

يمعود اني وره ما ختمتهه يلله عرفت بالسالفه...بس ما اكلك شنو خطيه شبع كتل بالختمه الثانيه هههههه...

اني اكول Metal Gear Solid ولا لعبة بعدها

شباب منو لعب pes 2010 وشلون شافها يعني عجبته لو لا

kame beckham كتب:

شباب منو لعب pes 2010 وشلون شافها يعني عجبته لو لا

اهلا اخي..

بالنسبه لل PES 2010 لعبتها...تجسيمهه كلش حلو و حتى اللعب مالهه احلى من الاجزاء الاقدم ,مسوين المراوغات صعبه يعني اقرب للحقيقه...بس اني اشوف اهم شي انه بيهه الانتقالات مال اللاعبين الجديده.... بس تره النسخه النهائيه للعبه بعدها ما نازله من شركه كونامي...على نهايه هذا الشهر ان شاء الله تنزل...و حيكون بيها الانتقالات الشتويه للاعبين و بعض التعديلات على اللعبه..

انت شلون شفتهه للعبه؟؟ و اشتغلت يمك بدون مشاكل؟؟

العبة اشتغلت عندي بدون مشاكل الحمد الله
صحيح التجسيم كلش حلو وبالنسبة للعب بيه سلبيات صيح المراوغة صعبة وهو قريب للحقيقة بس مسويها كلش يعني لاعب واحد متكدر تراوغ (لو يطخها لو يطلع مخها) ، واكوشي بعد هو استفادة ماكو يعني اعثار بسيط والاعب يكدر يكمل بس الحكم يحسب الفاول ومايعطي استفادة ،وايضا الضربات الرأس كلش سهلة مجرد الاعب يضرب الكرة برأسه يعني هدف

اضوج من الطوبة .... خلينة بالكول اف دوتي مودرن وور 2 شنو رايكم بيهه............

شباب هيه الكول اوف ديوتي مودرن ورر 2 نفسه كول اوف ديوتي السادسه 6 ؟؟؟؟ لو غير جزئ

طبعا اني اللعبة مالتي محد ذاكرها ولا تجي على بال احد مع العلم الكل ايحبها
اني ارقى لعبة اشوفها هي الورق اللي تجي وي الوندوز
سبايدر
يبووووووووووووو اشكد احجبها
وفوك هذا جابولي وندوز 7 التجسيم مالها ايكطع
وفد شي لا ادوخ روحي بكارت شاشة ولا تثكيل
اني بطبعي بغدادي تراثي ( حجري )
من الزك بلعبة الزك
وعندي رقم قياسي
يلا منو مثلي هههههههههههههههههههههههههههههه

pharmahassan كتب:

اضوج من الطوبة .... خلينة بالكول اف دوتي مودرن وور 2 شنو رايكم بيهه............

ماكو احلى من الطوبة

zaid-altajer كتب:

شباب هيه الكول اوف ديوتي مودرن ورر 2 نفسه كول اوف ديوتي السادسه 6 ؟؟؟؟ لو غير جزئ

اي نفسها اذا انت شايف الجزء الرابع اسمه مودرن وارفاير وهذا الجزء اسمه مودرن وارفاير 2 يعني تكملة للرابع

اني لعبتي المفضلة ونبر 1 عندي هي سلسلة اجزاء resident evil الجزء الاول والثاني والثالث ختمتها بالبلي 1 من جان البلي 1 هوه وبس والباقي خس والجزء الرابع ختمته بلابتوبي والجزء الخامس ما ادري ليش بطيئه عندي مع العلم المواصفات المطلوبة بيها هي نفس مواصفات الجزء الرابع بس ما اعرف ليش بطيئه يمكن العندي نسخه ديمو
على كل اني من جنت اختم اي جزء جنت اعزم اصدقائي بالمطعم لان جنت اشوف نجوم الظهر علما اوصل للنهاية من وره الالغاز وكاسرلي فد جويستكين من عصبيتي لأن تخلص طلقاتي :D
اصعب جزء لعبته هوه 2 و 3 لعبته بالبكلويا واتخيلوا ما ادري اختم دروسي ما ادري اختم اللعبة
وشكرا" علموضوع الحلو ... وتقبل مروري .  

الرزدنت ايفل احسهه اتكررت هواي .. ولو الجزء الخامس الزومبي صار عدهم شوية ذكاء وسرعة بالحركة ( افضل من قبل جانو صدك زومبي ) .. وايضا الالغاز قللوهه كلش هواي اذا تذكرون الجزء الثاني ثلاثة ارباع اللعبة اللغاز بس هسه لا صارت اكشن اكثر .... لكنها مكررة وفيكاتها خلصت ...
بالنسبة للكول اف دوتي السادس اذا سميتوهه .. ختمته امس بالليل على الهارد .. كلش هارد .. حلوة بس احلى ما بيهه الكردت من تخلص يطلعلك معض مال مراحل اللعبة على شكل ( متحف التاريخ الطبيعي ابمجمع باب المعظم) بس شنو نسخة مطورة شوية .هههههههههههه

بس حلوة .. هسة ضجت ما كو اصعب منه يمعودين ................!!!!!!!!!!!!!!!111111

kame beckham كتب:

العبة اشتغلت عندي بدون مشاكل الحمد الله
صحيح التجسيم كلش حلو وبالنسبة للعب بيه سلبيات صيح المراوغة صعبة وهو قريب للحقيقة بس مسويها كلش يعني لاعب واحد متكدر تراوغ (لو يطخها لو يطلع مخها) ، واكوشي بعد هو استفادة ماكو يعني اعثار بسيط والاعب يكدر يكمل بس الحكم يحسب الفاول ومايعطي استفادة ،وايضا الضربات الرأس كلش سهلة مجرد الاعب يضرب الكرة برأسه يعني هدف

صحيح بيهه بعض العيوب باللعب لكن ان شاء الله يحلوهه بالنسخه النهائيه...شكرا للمرور

pharmahassan كتب:

اضوج من الطوبة .... خلينة بالكول اف دوتي مودرن وور 2 شنو رايكم بيهه............

كول اوف ديوتي السادس ختمته قبل اسبوع او اكثر...لعبتهه على ثالث صعوبه Hardened ..والله كلش حلو اللعب مالهه..
و الحلو بالكول اوف ديوتي انه النهايات مالهه كلش حلوه ..

بالنسبه لرزدنت ايفل..

ختمت الاول و الثاني و الثالث على البلي ون ... و الرابع و الخامس على الحاسبه..

الاول شفته اصعب جزء...لعبته ب Chris ...و النسخه الي عندي جان النيشان مالهه مو اوتو...و اذا طلقه وحده تضيع جنت اعيد اللود ههههه... و الغازه صدك قويه بس جان بيه لغز واكف كلش مال درهم بنص الكتاب خاليه !!..

الثاني كلش حلو...خاتمه يمكن 1000 مره ههههه..خاتمه بالطريقتين يعني مره ابدي ليون و السيدي الثاني كلير...و مره ابدي كلير و الثاني ليون...و ختمت الاضافات الي تطلع وره الختم Xtreme battle و ختمت المهمه الاضافيه مال Hunk ...

الثالث ابد ماعجبني ولو خاتمه اكثر من مره بس ماعجبني ابد..

الرابع كلش كلش عجبني و تحول بيه اللعب اكشن اكثر من الالغاز..

الخامس مو كلش عجبني لانه نفس الرابع مجرد رسوم احلى شويه..عدا ذلك اسلوب اللعب و كلشي يشبه الرابع..


اكو جزء نزل على الدريم كاست حرامات مالاعبه بس يكولون حلو..كود فيرونيكا ..

Frostblade كتب:

اكو جزء نزل على الدريم كاست حرامات مالاعبه بس يكولون حلو..كود فيرونيكا ..

l

kame beckham كتب:

Frostblade كتب:

اكو جزء نزل على الدريم كاست حرامات مالاعبه بس يكولون حلو..كود فيرونيكا ..

l

موجود على الحاسبة

لا اخي هذا الجزء ماموجود على الحاسبه...هو نزل على الدريم كاست وعلى البلي 2 ...بس على الحاسبه ما نزل

بالنسبة الي لعبة الرعب المفضلة هي silent hill كلش حلوة
وراح ينزل جزء جديد على الps2 ببداية العام الجديد

اعتقد بشكل عام ان كل الالعاب توقفت عن التقدم التقني وهذا ( على ما اعتقد ) سوف يستمر لفترة طويلة متاثرا بالركود الاقتصادي ... لان اذا شفتوا ان كريسس كانت من الالعاب الاسطورية التي غيرنا كلنا حاسباتنا من اجلها حالنا حال كل محبي الالعاب في العالم . لكن المؤسف ان الجزء الثاني القادم لها( كرسس 2) وبها نانو سوت مطور يسمى نانوسوت 2 ستنزل ايضا على البلي3 والاكسبوكس 360 وهذا يعني تقليل بالمؤثرات الذكية والاكتفاء بالمؤثرات الصورية ( المؤثرات الذكية التي يكون حسابها أني ومباشر متاثرا بالقوانين الفيزيائية الطبيعية ) .. لكن الشركة لن تغامر بادخال مؤثرات تحتاج الى كروت شاشة عملاقة لان الناس لن يغيروا حاسباتهم ( الحديثة اصلا) بسبب ذلك .. بالاضافة لادخال سوق اخر هو سوق الكونسول ( سوق منصات الالعاب الثابتة) لكن يبقى في الحسبان ان كرسس هي من ارتقى بمستوى اللعاب الحاسب الشخصي بعد ما اضمحل لفترة .. وهو ما ارتقى بالمنافسة الى ابعد حد .. علما انه الى الان الالعاب الموجودة على الاجهزة المشتركة ( يعني نازلة على كل الكونسول وعلى الحاسب بشكل تقريبي ) يكون التجسيم على الحاسب هو على من باقي المنصات بكثير وهذا فرق واضح جدا ............

اتمنى الوصول الى مؤثرات ذكية عالية وذكاء اصطناعي فائق لتصبح الالعاب ذات قدرة واقعية وكانك تلعب مع شخص اخر وليس الة .....

طبعا في الكول اوف دوتي السادسة لم يعجبني مستوى ذكاء اللاعبين ( من الحلفاء معك او الاعداء ) اعتقد ان مستوى ذكائهم متدني .. فهم لا يسايرونك في المعركة كما تتحرك انت بل لديهم خطط ثابتة لا تتغيير ابدا وهذا ما جربته عشرات المراي عكس ما موجود في كرسس 0 ذات الذكاء الاصطناعي الهائل وهو احد اهم مميزات هذه اللعبة ) ومثل لاس فيكس الاولى والثاني حيث ان اللاعبين معك ( الجنود الاصدقاء ) لديهم عقل خاص بهم وذكاء متغيير حسب توجهك انت وحسب استيراتيجتك حتى بدون ان تعطي اوامر لهم .......

ما زلت اتمنى لعبة فائقة الذكاء ولو على حساب مواصفات ذات مستوى عالي ( برائيي اريد لعبة تعمل على كارتي شاشة GTX 295 مربوطان سوية وبروسيسر CORE I 7 ) .....

وشكرا لاصغائكم ................

كلام سليم اخويه حسان..و شكرا على المشاركه ..

بس تعليقي على اخر فقره.. كارتي شاشه من GTX 295 in SLI ويه بروسسر Core i7 يعني هجمان بيوت هههههه...اخذلي اكس بوكس 360 و شاشه ال سي دي 32 اصرفلي ههههه..
رايي انه ما المفروض ان تكون ال System requirement لتشغيل الالعاب بتصاعد سريع حتى اصحاب ال PC ما يزهكون من يوميه مطورين الحاسبه و يحولون على البلي او الاكس بوكس...

كلام سليم اخوي ... احنة فعلا شوية نريد شتداون بالمواصفات العالية ونحب الالعاب تكون ذات مواصفات معقولة ....
لكننا في العراق متاخرين شوية .. لان حتى المواصفات المعقولة غير متوفرة بالكامل وفعلا نحتاج ان نجرب التقنيات الجميلة التي نسمع عنها مث الثري دي فشن من انفيديا .. مجرد نظارات بسعر 200$ ... نحن الى الان لم نجرب تقنيات الاعاب الثلاثية الابعاد مثل النظارات المتطورة والكفوف والليزر وغيرها من الاشاء علما ان كل هذه التقنيات متوفرة من الثمانينان وسعرها بانغفاض مستمر ...........


مازلنا متمسكين بالكلاسيكيات من التقنيات على الرغم من الانفتاح الاقتصادي للمواطن العراقي مقارنة بزمن التسعينات وبداية الالفينات ...

اتمنى دخول هذه المجالات منذ كنت صغيرا ومازلت انتظر هذا ...............................

والله لعبتي المفضلة هي

call of duty 4

احلى موضوع عندي هو كل شخص يذكر العابه اليحبهن اني راح اذكر العابي الاحبهن واذكر الشركات اللي ماشتري العاب من غيرهن ونادرا الكه العاب قويه من غير شركات

1 splinter cell chous theory

2 METAL GEAR SOLID GUNS OF THE PATRIOTS


3 Bio Hazard4

4 god of war3

5 ninja gaiden2

6 castlevania lords of shadow

والعابي الاحبهن هوايه وماكدر اكتبهن كلهن

اما الشركات الاقوى واحلى وانصح بيهن هنه

1 capcom

2 konami

3 ubsoft

4 sony computer entertainment

5 eagames

وشكرا على الموضوع الحلو