تجربتك مع برامج الحماية ..

السلام عليكم..

حبيت افتح موضوع نتناقش بيه عن برامج الحمايه .. خل نكتب كل واحد شنو برنامج الحمايه الي ديستعمله حاليا و سابقا و شنو الايجابيات و السلبيات الي هو شافهه بكل برنامج حمايه استعمله( يعني مو الي سامعهه , نريد كلمن يحجي عن تجربته للبرنامج)..حتى كل شخص يستفاد من تجارب غيره بهالمجال..

راح ابدي , و ننتظر ردود باقي الاعضاء..

حاليا دا استخدم Avira Anti-virus Personal الي هو الاصدار المجاني من برامج حمايه افيرا .. صارلي استخدمه تقريبا سنه و نص و على حاسبتين منصبه..

الايجابيات : مجاني , ابديت اوتوماتيكي مستمر من موقع الشركة , خفيف جدا على الحاسبه , يلكف الفايروسات الي بالفلاش بكل سهوله و يمسحهه مثل فايروس الاوتورن , و اخير نقطه و اهم شي هو انه خلال فتره استعمالي للافيرا ما انضربت حاسبتي بفايروس.
السلبيات : ماشفت بيه اي شي سلبي ابدا..بس اكو شغله مرات تضوجني بيه, انه يشوف فايلات ال Keygen و ال patch كفايروس و يطلعلي تنبيه انه اكو فايلات خطره و طبعا يذكر اسم الفايل...اني من اشوفهه ذني فايلات كيجن او باج او اي شي متاكد انه مابيه فايروس اكله ignore حتى لايمسح الفايل..


هذا رابط تحميل البرنامج من موقع الشركه ( النسخه المجانيه ) لمن يحب ان يجربه : حجم البرنامج ( تقريبا 30 ميكا )
http://download.cnet.com/Avira-AntiVir-Personal-Free-Antivirus/3000-2239_4-10322935.html?part=dl-10322935&subj=dl&tag=button&cdlPid=11012914




اما لبرامج الحمايه الاخرى الي استعملتهه في اوقات سابقه :

Zone Alarm : استعملته قبل 4 سنوات تقريبا و كانت حمايته حلوه كلش ..بس المشكله الي واجهتني بيه و خلتني ابطل استعمله انه مجنت اكدر اربط نتوورك بين حاسبتين و اسوي شيرنك بين الحاسبتين..لذلك بطلت استعمله و حولت بعدها على الكاسبر سكاي..

Kaspersky : استعملته تقريبا سنه كامله او اكثر ..

الايجابيات : لم اجد فيه شي مميز بصراحه..
السلبيات : غير مجاني , عدم توفر المفاتيح بسهوله و كل فتره تصير بلاك لستد , يثقل الحاسبه هواااايه , في الفتره الي استعملته بيها انضربت حاسبتي بفايروس من الانترنت ( اذا تتذكرون جان اكو فايروس يخلي ستيتس بالمسنجر مالتك و يدز مسجات للسته كلهه و اللنكات كلهه مال فايروس - هو هذا عبر على الكاسبر و بوكتهه فرمتت من وراه)..

Eset NOD 32 : استعملته لفتره قليله جدا ما تجاوزت ال3 اشهر ... ايضا غير مجاني و يثقل الحاسبه لكن اقل من الكاسبر..تركت استعماله عندما عرفت اكو برنامج اسمه افيرا و مجاني الي دا استعمله الى حد الان..


ان شاء الله يكون الموضوع مفيد..

ننتظر ردودكم..

تحياتي.

عاشت ايدك حبي موضوع حلو
تجربتي وي الانتي فايروسات
مخليت واحد منصبتة ومجربتة وكلهن تعبانات وعطلات
اني عندي حاليا وندوز 7 اصلي بس خلصت فلوسي كلهن عالوندوز وبعد مضل عندي اشتري انتي فايروس اصلي
بس لكيت الحل اللي ايناسبن
avast
صح هوة مجاني وخفيف ويلكف الفايروسات ويمسحهن
لان مرة عفت الحاسبة يم الاهل وقصرون يمكن دخلو على موقع اسمة فايروس وخلو الحاسبة اتزوع من الفيروسات
فسويت scan بيه وطلب ترسيت وبدة يمسح الفايروسات من البايوز
ثبتلي بهاي العملية انو هوة ثقة وجربوه شوفو وبنفس الوقت تقدرون تلقوه بموقع الشركه:
http://www.avast.com/eng/download-avast-home.html

شكرا اخي ماكس على المداخله الطيبه..

اني هم سامع انه ال avast جيد بس ما مجربه بصراحه...و سامع ايضا انه قسم ينصبون الافاست ويه الافيرا لان ثنيناتهم ما يثقلون الحاسبه و طبعا ثنيناتهم بيهم اصدار مجاني ..

شكرا" على هالموضوع الحلو والمفيد لانه موضوع حساس وكل واحد لازم يكون عنده انتي فايروس جيد اذا كان يستعمل الانترنت لان ماشاء الله يوميه طالعلنه فايروس شكل
اني استعمل الافيرا بس النسخة بريميوم وعندي مفتاح للشهر العاشر 2011 ... انتي فايروس موطبيعي ويطلقون عليه المختصين لقب القلعة الحصينة واخر اصدار الداستعملة بلابتوبي 9.0.0.387 2009 ماخذ المركز الاول بأحدى المجلات الاجنبية المختصة ببرامج الحماية
ومن ايجابياته المذكرتها انو ميفتح الموقع او السايت اذا كان بي فايروسات يكون علاجها صعب احيانا ممكن تأذي حاسبتك او تبطئها وانت دتصفح الانترنت..ويعلمك بهالشي يعني مو ينتظر تفتح الموقع وتهجم عليك الفايروسات وتبطئ حاسبتك ويمكن ترست الحاسبة وبعدين لازم تسوي بحث بالانتي فايروس حته يشيلها لا من البدايه يختصرلك المسأله وينبهك انو الموقع بي فايروسات خطرة.
وايجابياته كثيره اضافة للذكرها الاخ Frostblade ويكفي انو صارله 20 سنه ينافس عالقمة ... انصح الجميع باستخدامة .
 

redangel كتب:

شكرا" على هالموضوع الحلو والمفيد لانه موضوع حساس وكل واحد لازم يكون عنده انتي فايروس جيد اذا كان يستعمل الانترنت لان ماشاء الله يوميه طالعلنه فايروس شكل
اني استعمل الافيرا بس النسخة بريميوم وعندي مفتاح للشهر العاشر 2011 ... انتي فايروس موطبيعي ويطلقون عليه المختصين لقب القلعة الحصينة واخر اصدار الداستعملة بلابتوبي 9.0.0.387 2009 ماخذ المركز الاول بأحدى المجلات الاجنبية المختصة ببرامج الحماية
ومن ايجابياته المذكرتها انو ميفتح الموقع او السايت اذا كان بي فايروسات يكون علاجها صعب احيانا ممكن تأذي حاسبتك او تبطئها وانت دتصفح الانترنت..ويعلمك بهالشي يعني مو ينتظر تفتح الموقع وتهجم عليك الفايروسات وتبطئ حاسبتك ويمكن ترست الحاسبة وبعدين لازم تسوي بحث بالانتي فايروس حته يشيلها لا من البدايه يختصرلك المسأله وينبهك انو الموقع بي فايروسات خطرة.
وايجابياته كثيره اضافة للذكرها الاخ Frostblade ويكفي انو صارله 20 سنه ينافس عالقمة ... انصح الجميع باستخدامة .
 

شكرا على مرورك الجميل اخويه ريد انجل ..

النسخه الي تستعملهه اصليه ؟ لو منزل المفاتيح من الانترنت؟
قبل فتره حاولت انصب نسخه بريمي للافيرا و مفاتيح من الانترنت...بس بوقتهه واجنت مشاكل بالنتوورك بين الحاسبتين الي عندي بالبيت...فرجعت على النسخه البيرسنل المجانيه و شغلهه والله كلش حلو ( على الاقل بالنسبه لاستخدامي )..

لاحبي النسخة العندي اصلية وبيها مفتاح فعال للشهر العاشر 2011 وكلشي اوكي الابديت عندي سهل ميطول لان النسخة مدعومة ونزلت اسطوانة الانقاذ وحرقتها على سيدي والبرنامج تحفة واني جربت اغلبية الانتي فايروس مثل الكاسبر السابع والثامن (الخابصينه بي) والنورتن 2009 والنود والافاست وغيرها وكلها النسخ البروفيشنال ملكيت افضل من الافيرا البريميوم برنامج تنصبه بحاسبتك وفوت وين متريد بالنت لاتحس بطئ بالحاسبة او بالتصفح ولاتحس اكو فايروسات او ديدان او هكرية بالانترنت وكل هذا بفضل الافيرا .

شكرا اخي على التوضيح...و فعلا الافيرا برنامج حمايه شغله مرتب و حلو ..