سؤال حول ضعف الخدمة

لماذ يا شركة ايرثلنك بس اول شهر اشتركت كان التحميل بين 200 الى 500 بينما الان لايصل الى 30 في كركوك

عزيزي محلولة راح اكلك اعتقتد انتة مشترك بخط مثلا ابو الستين الف لاكن هو شادلك ابو الخمسسين للتاكد انو ابو المنظومة ما خادعك تدخل على موقع ايرث لنك للمشتركين [ندعوك للتسجيل في المنتدى أو التعريف بنفسك لمعاينة هذا الرابط]
تدخل اسم حسابك والباسورد الي انطاكيا ابو المنظومة تفتح الصفة
مال حسابك راح تعرف من خلال هذة الصفحة نوع اشتراكك وتاريخ انتهاء مدة رصيدك
لمعرفة نوع حسابك اكو صورة و اسم نوع حسابك طابقها مع الصورة في الاسفل
لمعرف سعر الحساب الي انتة مشترك بية يعني ابو النظومة خادعك لو لا

السلام عليكم
سؤالي للاخ علي البهادلي هو ماذا يعني النسبة 1:20 بالنسبة لكارة light و1:10 بالنسبة لكارة economy بماذا تستخدم او نستفاد او الفائدة من النسبة
وشكرا

وعليكم السلام

عزيزي هذه هي نسبة المشتركين في النوع المعين من الاشتراكات


اي استفسار ثاني اني جاهز .

اخويه علي ابهادلي اشو اني نفس المشكله تحميل بعد منتصف الليل 30 كيلوبايت

واريد ادخل هذا الموقع ولكيت نفسي مبند من هذا [ندعوك للتسجيل في المنتدى أو التعريف بنفسك لمعاينة هذا الرابط]


ممكن تكلي شنو السبب ليشاني مضروب باند من هذا الموقع هوه مو النه مسوينه احنه اليوزريه حتى نعرف اشتراكاتنه؟؟؟ عليك الله جاوبني باسرع وقت لان اني اسال هوايه بهذا المنتدى ومحد يجاوب وماعرف ليش؟

عزيري حاول مرة ثانية واعطيني النتيجة

شباب اني مشترك بخط30 $ والدونلود حيل ضعيف مع العلم اني مشترك سابقا وكانت الخدمة زينه شنو السبب- ارجو الرد

عزيزي اتاكد من اشتراكك من خلال user.eathlinktele.com

وشوف نوع اشتراكك

سلام عليكم ممكن اعدادات النانو والمايكروتك

طبعا اني مشترك ايرثلنك بكركوك وبخط الاقتصادي والداونلود حيل زين يمي بالنهار تقريبا يوصل فوك ال100 او ورة ال12 بليل يرتفع بل 200 او الفجر يوصل اكثر من 500 كيلو بايت بس اعتقد سبب ضعف الخدمه هو اللود على المنضومات يعني هسة اني اكو منضومات صارلهن 5 اشهر يمنه من اكنك عليهن اصلا كوكل ميفتح واكو منضومة جديدة صار شهر لودها عالي اعتقد هوة عدد المشتركين الي موجودين بالمنضومة والله اعلم

اني مشترك اكتف وجيك طلعلي اكتف بس الدوانلود عاوي حيل
يعني ميصعد اله وره ال 3 الفجر

نفس المشكلة عندي اشتراكي ابو 30 وجانت الخدمة ممتازة بالصبح توصل التحميل 500 ك ب اما الان فخدمة رديئة للغاية في الكوت ومنعرف شنو السبب

السلام عليكم الوكلاء بالمحافظات يعطون مشتركين اكثر من المقرر للخط الواحد لذا الاشارة ضعيفة واحيانا يصعب حتى تحميل الصفحة الرئيسة انا مشترك من النجف حتى الياهو بعض الاحيان ما يفتح وعندي اشتراك شهري اربعين دولار وانا صاحب مكتب وهذا رزقي شنو الحل ؟

هو الاشتراك ثابت شعلية ابو المنظومة بس هي الخدمة هالايام صايرة تلف

اني اشتراكي 30 الف وسرعة التحميل عندي توصل ال 10 ك.ب بالثانية في كربلاء

اني ساحب خط 50$ والخدمة مزينة كلش ضعيف والرابط مال مرفة الرصيد وانتهاء المدة ميطلع ارجو الرد

السلام عليكم

هل عدنا اى الفرات فون او منظومات ال اي دايركت القديمه
الداون لود ضعيف جدا مو مثل الاول شنهو الحل انعوفه
لو يشوفونه حل شنهو رايكم

ارجو الاجابه من مدير الايرث لنك
الضعف في كل المحافظات

رجاء عودتها للعمل مثل اول مره
لو اول مره بس دعايه

الرد وبدون مجاملات انريد الصراحه

تقبلو تحياتي

السلام عليكم ...

انا مهندس بشركة ايرث لنك فرع الموصل.... شركة ايرث لنك بدت خدمتها بالبث يوم 1/8/2001 صحيح اول سبوعبن جانت مو زينة والسبب كان اعمال الصيانة مكاملة ولكن بعدها والفضل لله الخدمة كلش رائعة والمشتركين ديجونا عالسمعة الي يسمعوها من الناس....
صادف عدنا ضعف عند قسم من المشتركين ولكن الحمدلله السبب كان ضعف الاشارة عند المشترك وحولناهم على ابراج اقرب لمنطقتهم وراحت المشكلة وهسة الخدمة رائعة وماكو اي اشكال بأي شي.....

النت من سيء الى أسوء شنو بعد ما كو حل لهذي المشكله ,,؟؟,,!!

والله اني النت يمي توب

مشترك بـ 55 الف بس شنو

التحميل يوصل من الساعة 12 الى 300 كيلو
و الخمسة الفجر الى 7 الصبح يوصل

1ميغا و 200 كيلو يعني شتريد

السلام عليكم
اخي العزيز الخدمة في ميسان ايضا تعبانه فد مرة ولايمكن لي الدخول على الرابط الموجود في اعلاه لمعرفة اشتراكي وهذه الحاله منذ شهور بحيث لانستمتع في خدمة ايرث لينك وخصوصا وقت الضهيرة نرجو توضيح ذلك مع التقدير

السلام عيكم
مشكلة ارث لنك في البصرة
ما سبب ضعف الخدمة المقدمة وهناك تقطيع في خدمة النت
هل هناك صيانة على الشبكة ام لا يوجد حل لهذه المشكلة
حيث كانت الخدمة ممتازه مع العلم جربت كل شئ
لكن تبقى الخدمة نفسها من المصدر

السلام عليكم
أني مشترك بخط القياسي 50000 دينار في القرنة البصرة
النت بالألفا كلش زين بس بالنانو ستيشن 5 عندي الخدمة ليست بالمستوى المطلوب ماأعرف السبب هل السبب من أجهزة مزود الخدمة (الوكيل) أم من قوة الأشارة (عندي -80) أم سبب أخر أرجو الرد العاجل

م.محمد العزاوي كتب:

السلام عليكم ...

انا مهندس بشركة ايرث لنك فرع الموصل.... شركة ايرث لنك بدت خدمتها بالبث يوم 1/8/2001 صحيح اول سبوعبن جانت مو زينة والسبب كان اعمال الصيانة مكاملة ولكن بعدها والفضل لله الخدمة كلش رائعة والمشتركين ديجونا عالسمعة الي يسمعوها من الناس....
صادف عدنا ضعف عند قسم من المشتركين ولكن الحمدلله السبب كان ضعف الاشارة عند المشترك وحولناهم على ابراج اقرب لمنطقتهم وراحت المشكلة وهسة الخدمة رائعة وماكو اي اشكال بأي شي.....

السلام عليكم
ما دام انت مهندس بالشركة
وهاي الشركة تشتغل بالعر اق العظيم صاحب الحضارات والمبدعين
اريد اعرف ليش انا الخدمة عندي مو زينه وهسه راح انجلط صفحة الكوكل كوه تفتح وعلى فكرة قبل ما تنطي اعذار
الخط ابو 60 الف يعني بعمان او الكويت اشترك باحسن اشتراك سنوي وشك شك واحسن خدمه وسنة كامله بنص هذا السعر
هاي وحده انا مشترك قديم اخاف تكول الاشارة
صار سنة
وبس اول شهرين الخدمة صحيح زينة وهذا اخر شهرين الخدمة مو زينة وانقطاعات والمشكلة ماكو تعويض
يعني احنه بالعراق تاخذون فلوسنة وماينطونك خدمة وماكو تعويض ومحد يحترمك وحتى من تخابر ابو المنظومة عبالك منطيك الخط ابلاش ومن تحجي كالو احنه اعظم ناس واصحاب غيرة والله احنه مو زينين واستاذية بالتقفيص وماشفت شعب بالعالم ما يحترم الكلمة ويبدع بالجذب مثل العراق وشعبه الجبار بالله عليك ماتكولي شنو عدنه صحيح ومابيه جذب المشكله كلشي عدنه الفلوس والامكانيات والمواد الي تحلم بيهه بقيه الدول بس تدري شنو ما عندنه الصدق الصدق الصدق
وانا اعرف هسه راح تنزعجون من كلامي وتنتفضون شلون حجيت على شعب العراق وشعبة الجبار وتبلش الوطنيات والشعارات الفارغة للقلم والبندقية فوهه واحده والعراق وطن الجميع وحماية امنه وسيادته مسؤولية الجميع ونموت ويحيى الوطن ووووووووووووووووووووووووو
والله تعبنه رحمونه الله يخليكم

وعلى فكره المنظومة في بيجي في محافظة صلاح الدين تجيب الشلل والخدمة مو زينه وكل شهر اربع خمس ايام البرج عاطل وجاي يصلحون واعتيادي ماكو تعويض عن هاي الايام
والمن تشتكي
المشتكى لله الواحد القهار
واذا تبقى الشبة على هذا المنوال نشوف غير شبكة ولو كلهه نفس الشي

هسة اني صاحب منضومة ريسية وكان النت عندي اقوى شي بلعراق وهسة الخدمة دون السالب مو الصفر ليش ما ادري

نعم ان خدمة الأنترنت بالأيرثلنك الى الهاوية والى الفشل هذة الحقيقة المرة