·.¸¸.··´´منتــــ ايرث لنك ـــديات ``··.¸¸.·
[center]



 
الرئيسيةهام جدس .و .جبحـثالأعضاءالمجموعاتالتسجيلدخول

شاطر | 
 

 بعد ما التقت كلا الفاقدتين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسام الصياح




ذكر
عدد المساهمات : 1
نقاط : 3
العمر : 31
العقرب

مُساهمةموضوع: بعد ما التقت كلا الفاقدتين   الأحد يناير 02, 2011 1:41 pm

يمه زينب ..وفه ما وفه الجفيل
كَتله بت حيدر عليج إنخيته
بشاربك يمه التعب ذاك ورباي
زينب..ومن زنده الج هزيته
هوه ما يتوصه بس اخر كلام
بيني بينه ان يحفظج وصيته
كَتله ياعباس لا كال الالاه
الله لا قدر..اذا..حاجيته
ضعن زينب مال من حث المسير
كَال احسبي اعله الجتف رجيته
كَتله اذا لاح الجبد حر الشموس
يمه كَال بماي عيني إسكَيته
إهنانه زينب فرفحت يأم البنين
من عساني إتصيح لا وديته
إسمَعت يم باب الخيم صوت الجدام
روحي شمت ريحته وعرفيته
وكَف وتحنحن حَيه وداير كَفاه
هذا اخوي انه اعرف بتربيته
كَتله ها..عباس..كَال اي جف اديج
جبدي وَصذله العطش تفتيته
وامي وصتني واجيت انشد عليج
مايكم خاف إفرغت آنيته
كَتله اي واطفالنه تلوج وتلوب
ثار بركان ونفض خاجيته
راح عني وكَلبي لاسبني عليه
واعصر بجفيني..جود انطيته؟
امي كَالتلي جفيلج بالطفوف
ينطي جَفينه لسكَاية خَيته
شلون ياعمه أوصف فَركَه اخوي
ولمثل هل معظله امخليته
جان يبرالي مثل رمش العيون
وين ما ادير النظر لاكَيته
جفه والبيرغ يحط بحذه الخيام
وريشة الخوذه اعله من ساريته
إتخيلي العباس فوك إمن الحريم
يكَدر ابن آدم يصل حد بيته؟؟
والله يأم عباس لو عينج تشوف
ابن ابوي وقالبه وشخصيته
طب عله الميدان هوّس بالركاب
طبهه اخو زينب تعلك صيته
من وره الخيمه وشفت عسكر يزيد
طره فارس خلخل بتثبيته
وكمت اشوف ابن ادم إمكطع يطير
ودويه للجيش وبواجي وميته
من صليل السيف ما اسمعه شيكول
وكلت اذب اذني استمع قافيته
ومن هده الميدان لن فارس يصيح:
انه ابو الكلفات ابن داحي الباب
والذبح بالسيف ركبة مرحب
انه ابن قالع الروس من الركاب
انه جف حسين سيف مجرب
انه المنشف وسكاي الرضاب
انه اخو..وصاح المعسكر..زيــــــــــــــــــــــــــــــــــنب
شيمة راسه وعنوانه
كافر كون الحاجانه
يهدم بيته وبنيانه
ورد علصاح ايكص لسانه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: بعد ما التقت كلا الفاقدتين   السبت يونيو 11, 2011 5:17 pm

عاشت ايدك
الرجوع الى أعلى الصفحة اذهب الى الأسفل
 
بعد ما التقت كلا الفاقدتين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
·.¸¸.··´´منتــــ ايرث لنك ـــديات ``··.¸¸.·  :: منتديات شعريه منتديات الشعر العربي منتديات الشعر النبطي منتديات الخاطره منتديات شعريه :: منتدى ادبيات الثقافية مقهى ادبي ثقافي -أخبار الثقافة والإعلام-
انتقل الى: