الداون لود غير جيد

السلام عليكم ورحمة الله وبركاته

مشكلتي هما اثنين لا غيرها ارجوا من اصحاب الخبرة والاختصاص بالرد على الموضوع وعفوا اقول الى اصحاب ذات الردود لا تصلح لحل المشكلةعدم الرد . شكرا لتفهمكم

اولا ..مشكلة الداون لود انا صارلي شهرين مشترك في هذة الخدمة وجدت فيها كالاتي

الداون لا يرتفع الى اكثر من 2 كليو بايت بالثانية وعلما ان صاحب المكتب الي مشترك معه قريب جدا وهناك مشكلة عندي في الحاسوب وكيبل وانا املك Lan alfa وقمت عدت مرات بتديل الكيبلات ولن تتحسن الخدمة عندي وحتى بعض الساعة 12 ليلا هي هي خدمتي بالاخر افتى صاحب المكتب بوجود تشويش من قبل الاحتلال .اريد اسئل فقط عندي يكون التشويش او في منطقة التي اسكن فيها وعلما انا اخذت بث تجريبي من احدى المكاتب البعيدة عندي وجدت الاتصال جيدا .

ثانيا ... التحميل من موقع الرابيد شير لايحمل من هذا الرابط مهما كان وخاصة لمشتركين ايرثلنك وعندي خط اتصالنا تقبل منا التحميل وانا مشترك بخط ايرث لنك لا يحمل منه يقول عنما اريد احمل منه ان هذا الايبي موجود ومشكلة معه ارجوا منكم توضيح ذلك خدمة للمصلحة خدمات ايرث لنك
اخوكم الدكتور انيس

اخي الدكتور انيس مشكلته هي ان حاسبتك مضروبه او ان يوجد تشويش عندكم .. انت سالت الي بمنطقتك عن السرعه عدهم ؟؟ وذا بس عندك السرعه بطئه فلازم تفرمت الحاسبه فرمته كليه اني مالتي هم هيج صار بيه كله صار بطئ النت وفرمتهه 3 مرات يله صارت لان اكو فايروسات جديده نازله تخرب النت.... والبنسبه للرابد شير اكو برامج خاصه تكدر تحمل منه

السلام عليكم اخويه...

بالنسبه لمشكلة الداونلود يمك...لازم تجيك ال Ping ويه ابو المنظومه الي ساحب منه...لان احتمال مشكله بجنل البث...يعني اذا اكو منظومه قريبه من صاحبك دتبث بنفس الجنل او بجنل قريب منه فالافضل انه صاحبك يحول على جنل ثاني....


بالنسبه للرابدشير...مثل ما تعرف ( او احتمال ماتعرف) بالنسبه للداونلود المجاني من الموقع ما يسمح لكل IP ان ينزل فايل واحد ( يعني ما يصر تنزل فايلين بنفس الوقت ) ... و الموقع ما يشوف الاي بي مالتك و انما يشوف اي بي المجهز لخدمه الانترنت..( لان ايبيات اليوزريه عدنه مو حقيقيه و انما مجرد ايبيات تعطى من قبل مجهز الخدمه )...فاي واحد ساحب من نفس المجهز ديسوي داونلود راح ينمع الداونلود عن باقي المشتركين الى ان يكمل الفايل مالته ( لان كلنه نشترك ب IP واحد )...بينما حسب ما اني سامع (ما متاكد) انه شركه اتصالنا تنطي ايبيات حقيقيه لكل يوزر لذلك موقع الرابد شير يشوف الاي بي مالتك فتكدر تنزل من عنده..

ان شاء الله تكون الفكره وصلت..و ان شاء الله تنحل مشكله الانترنت يمك..

تحياتي

اخي ما ادري .. جربت ان تحمل موقع الشير الخاص باليرث لنك ......... لانه موقع سريع وبصراحة اني مخليه مثل الانديكاتر للنت عدنة ......... يعني توصل السرعة بيه 130 كيلو بالثانية ... علما ان الداون لود العادي معدل 20 كيلو بالثانية هذا كله باستخدام الداون لود منجر ................... جرب تسحب من الشير الخاص وشوف اي ملف وانطينة سرعة التحميل وشوف باقي الحاسبات للمشتركين هم ..........

الرجاء هل المنظومة الارث لنك تبقى تعبانه ام احتمال تتحسن لانه نحن في حي النصر بغداد نعاني من ضعف المنظومة وسوء الخدمة فيها