ممكن مساعده في حل مشكلتي

السلام عليكم اخوان
اني مشترك بايرث لنك صارلي 4 اشهر بالبدايه الخط زين جان والحمد الله بس بالشهر الاخير صارت عندي مشكله وهي ميفتح الخط من اتصل وتضل هاي الحاله لمده تقريبا 4 او5 ايام ويرجع يفتح الخط
مع العلم الاشاره قويه وصفحه الايرث لنك تفتح عندي فكل من يعرف حل مشكلتي ليبخل عليه لان اخوان ادمرت وما اريد اعوف ايرث لنك وشكرا مقدما الكم.....

اخي اتصل بصاحب المنظومه الي انت ساحب من عنده و كله المشكله مالتك...

شكرا اخويه على مرورك بس اني اتصلت بي من البدايه وكلي على اساس المشكله من عندي مع العلم فرمتت الحاسبه ونفس الشي متغير
ويكول بس اني عندي هالحاله من المشتركين بعد ما ادري صدك جذب
وشكرا لمرورك مره الخ

زين اخويه ممكن توضح شلون الخط ما يفتح؟؟

يعني من تدوس على الشاشتين مال الكونتكت...و بعدين تكله كونتكت...شيصير؟؟ شنو رساله الخطا الي تطلع؟؟

والله اخويه اسوي كونكت وتطلعلي رساله اليوزرنيم والباسورد بي خطأ على ما اعتقد هيجي شي لان هاي يومين ديتصل بشكل طبيعي بس خايف ليكطع مره الخ
وشكرا

حبيبي الغالي
اني صاحب منظومة
وهاي الحالات مرات اتصير عدنا
اول شي خل اكلك من الرئيسي مال الشركة ابد متصير هيج مشكلة
بقت اذا انت عندك نانو ستيشن فايف فالمشكلة من بث ابو المنظومة
بس اذا عندك لان دي لنك او لان يو اس بي فحاول اتدبر غير واحد واتجيك عليه ديكنك لو لا
ودائما تاكد انك مكنك عن طرق اللان مو عن طريق الوندوز واذا تحب ايميلي موجود تكدر تتصل بيه و ان شاء الله اساعدك

اخويه اني دزيتلك رساله عل ياهو وما ادري اذا وصلت الك لو لا
اخويه يعني شتكول ممكن يكون الخلل من عندي لان اني استخدم كرت وكارت الفا لو انت شتكول
لان اني على غفله يجي الخط ومن اسده بعد ميتصل الا ورى جم ساعه ومرات ايام ميتصل
وشكرا الك