اقوى برنامج لازالة الاوتورن...هديه مني الكم

شلون الايرثلنكية انشاء الله بخير
حبيت انزل برنامج يقضي على فايروس الاوتورن والمعروف بأسم autorun info واليعتبر من ازعج واخبث الفايروسات وحتى اقوى الانتي فايروسات ممكن تكشفه لانه مخفي وحته من تفرمت الحاسبة هم ميروح (يعني يضل مجعبلك بالحاسبة :twisted: ) وهو يعتبر من اكثر الفايروسات انتشارا وممكن يجيك من النت او من الفلاش او من برنامج مضغوط من سيدي يعني صدك مشكلة واعتقد ماكو واحد حاسبته ممصابه بهذا النوع من الفايروس المزعج .
ومن مشاكله انو ميفتحلك ال task manager واذا تريد اتسوي hidden لملف تفشل العملية واذا تفتح صفحة بالكومبيوتر تنفتح وياها 20 صفحة والادهى والامر انو اذا تريد تنزل انتي فايروس فراح يعترض عملية التنصيب وتفشل العملية يعني ميخليك تنزل انتي فايروس .
وطبعا حاسبتي انصابت بهالفايروس فضليت ابحث بالمواقع الاجنبية الى ان وصلت الى هالبرنامج التحفه وشال الفايروس من حاسبتي الى غير رجعه :D ومو بس هاي بل انو البرنامج بي انتي اوتورن تنزله على حاسبتك وبعد لتشيل هم حته لو تخلي بيها فلاش ملغم بالاوتوران لان ميخليها تفوت لحاسبتك .

البرنامج اسمه
TiRoS Anti-Autorun Collection
وهو مكون من اربع برامج تحارب الاوتورن يعني فد شي طااااك

لتنزيل البرنامج دوووس على اسمي redangel وتتدللون .

شكرا اخي على البرنامج...ان شاء الله اجربه على حاسبه صاحبي لان عنده الفايروس هههه..

بس بالنسبه للفايروس يروح في حاله انه عدت تقسيم الهارد...يعني تمسح البارتشنات و ترجع تقسم من جديد..

شكرا حبي Frostblade على مرورك الجميل بس صدكني اني من جان الاوتورن عندي فرمتت البارتشنات وسويتها بارتشن واحد ورجعت قسمت وهم رجع عندي الاوتورن
شرفتني بمرورك